Пејачот Бобан Здравковиќ откри дека фолк-пејачката Александра Пријовиќ го поканила да биде нејзин гостин на концерт, но тој побарал 4.000 евра, пишува српски „Блиц“.
Александра Пријовиќ одржа спектакуларна концертна турнеја во најголемите регионални арени и сали.
На секој концерт таа имаше специјални гости, кои со задоволство се одѕваа на нејзината покана, меѓутоа, пејачот Бобан Здравковиќ ја одбил.
Се пишуваше дека Александра сакала Бобан да биде нејзин гостин на еден од концертите и го поканила, меѓутоа, тој ѝ ја рекол својата цена – 4.000 евра. На почетокот, пејачката помислила дека нејзиниот колега се шегува, но кога сфатила дека е сериозен, се откажала од својата првична желба.
Бобан Здравковиќ проговорил за тоа во емисијата „Амиџи шоу“.
– Јас не барав пари од неа. Нејзиниот менаџер се јави и се договоравме што се однесува за датумот, за да видиме дали сум слободен. Јас тој ден бев зафатен, морав да го откажам својот концерт во Бугарија и потоа, нормално, ја кажав цената за мојот настап, како што јас им плаќав на пејачите на моите концерти. Одржав многу свои концерти, не мислам дека е тоа некаква сензација, тоа е сосема нормално – објаснил Бобан.
