Принцот Хари последниот ден од март официјално ги остави сите кралски и воени должности и заедно со неговата сопруга повеќе не ја користат титулата „HRH“ Неговото/Нејзиното кралско височество.
Титулите не им се одземени, но повеќе нема да ги користат, бидејќи во иднина сами ќе заработуваат и нема да бидат претставници на кралицата Елизабета.
Многу фанови се прашувале кое име и презиме сега ќе го користи принцот Хари, па британските новинари дошле и до тој податок.
Во документот кој Хари неодамна го потпишал, стои дека тој сега се претставува како Принц Хенри Чарлс Алберт Давид, Војвода од Сасекс.
Во подолгото име ја нема титулата HRH, но ниту кралското презиме кое Хари повремено го користел.
Презимето Монтбатен-Виндзор кое му го даде на неговиот син Арчи и самиот повремено го користел, а презимето Велс го користел за време на школувањето и во војска.
