Планираната посета на Србија на рускиот министер за надворешни работи Сергеј Лавров се откажа откако Македонија, Бугарија и Црна Гора го затворија воздушниот простор за неговиот лет.
Земјите што ја опкружуваат Србија го затворија небото за авионот на Сергеј Лавров и со тоа затворија уште еден канал за комуникација, изјави портпаролката на руското МНР Марија Захарова, нагласувајќи дека Москва не е таа што гради нова „железна завеса“, туку дека Европа е таа која ја оградува Русија.
– Вашите грешки се во тоа што сте премногу егоистични, што мислите дека сте во центарот на светот, па покрај вас на светот нема други народи. Немате морално право некого да го учите на нешто, рекла Захарова.
