Никогаш досега немало толку многу непознати имиња кои се најдоа на листата на номинирани за Оскар, наместо ѕвездите од голем калибар, како што е случај оваа година.
Во петте најдобри за Споредна женска улога, не се најдоа имињата на извонредните Кејт Бланшет и Френсис МекДорманд, ниту легендарната Рита Морено – која се врати благодарение на малата, но значајна улога во „Вест Сајд Стори“. Ниту пак, Рут Нега, ѕвезда на филмот „Пасинг“, филм обожаван од критичарите.
Подеднаква е ситуацијата и во машкиот „сектор“, за најдобри Споредни машки улоги. Тука елегантни и докажани глумци останаа без номинација, како Џаред Лето во „Куќата Гучи“, Бредли Купер (Licorice Pizza), и Бен Афлек кој, иако со поддршка на Џорџ Клуни, не доби место меѓу петте на „Листата на големите очекувања“.
Трој Коцур – првиот глув актер номиниран од Академијата, ко-ѕвезда во драмата „КОДА“ ѝ ја „грабна“ номинацијата на (многу омилената) колешка од сетот, Марли Марлин, добитничка на Оскар во 1986 година за нејзината потресна изведба во „Children of a Lesser God“.
Крштевање, односно прва номинација, ѝ се случи на Бијонсе за Be Alive, песна компонирана за филмот со Вил Смит, „Кралот Ричард“.
Останувајќи сè уште на музичкото поле, Дајан Ворен, авторка на култни песни како што е I Don’t Want to Miss a Thing (изведена од Аеросмит), ја освои својата 13-та номинација, а до сега ниеднаш не го добила Оскарот. Дали овој пат ќе успее да победи?
Меѓу режисерите нема ни трага од француско-канадскиот мајстор Денис Вилнев, иако неговиот „Dune“ е меѓу најдобрите филмови. Па дури го нема ни Педро Алмодовар, и покрај тоа што неговата Пенелопе Круз (Parallel Mothers) беше номинирана на листата на најдобри актерки.
