Оркестарот Калуш победи на Изборот за песна на Евровизија 2022 година, претставувајќи ја Украина, со песната „Стефанија“, песна посветена на сите украински мајки. Настанот, кој се одржа во Торино од 10 до 14 мај, го дочека украинскиот бенд на највисокото скалило на подиумот со 631 поен, доделени од жирито и телевоутингот.
View this post on Instagram
Песната „Стефанија“ , составена од микс од рап стихови со фолк и хип хоп ритам, се базира на вистинските животни приказни. Со оваа песна, украинскиот бенд ги освои сцената и срцата на публиката на Евровизија 2022 година – со својата уникатна мелодија и со своите важни пораки. Со своето учество на натпреварот, Калуш станаа лицето и гласот на нацијата која минува низ тешки и трогателни времиња. Sony Music Entertainment ќе ги донира сите приходи од песната во хуманитарна добротворна организација избрана од бендот.
Калуш, бенд именуван по малиот индустриски град во кој се родил фронтменот и лидер на бендот, Олех Псиук, формиран во 2019 година, првиот сингл насловен „Shtomber Womber“ го објавиле во декември 2021 година.
Инаку, вчеравечер, и украинскиот претседател Володимир Зеленски преку видео порака повика да се гласа за оркестарот Калуш.„Европа, гласајте за оркестарот Калуш, украински Словени!“, Зеленски изјави во видеото објавено на социјалните мрежи.
И од Евровизиската сцена, оркестарот Калуш упати апел за поддршка на Украина и Мариупол.
View this post on Instagram
Српската преставничка на Евровизија, Констракта, со песната „Ин корпоре сано“ го освои високото 5-то место, благодарение на бројните гласови од гледачите, односно од бодовите од телевоутингот.
View this post on Instagram
