Новото истражување ги потврдува претходните докази дека тренираните кучиња можат да помогнат да се идентификуваат луѓето заразени со коронавирус во големи групи.
Во два центра во Париз, 335 волонтери, кои исто така направиле и ПЦР тестови, дале примероци за анализа на пот. Вкупно 78 лица со симптоми на коронавирус и 31 асимптоматско лице биле позитивни на PCR тестирањето. Во исто време, кучињата кои њушкале примероци од пот покажале 97 проценти точност во откривањето на пациенти заразени со коронавирус и 100 проценти точност во откривањето инфекција кај асимптоматските пациенти.
Студијата, исто така, покажа дека обучените кучиња идентификувале доброволци кои не биле заразени со коронавирус со точност од 91 отсто.
„Тестирањето со помош на кучиња е неинвазивен метод и дава сигурни резултати“, велат авторите на студијата.
„Во понатамошното истражување, кучињата ќе се користат по тестирање на луѓе со PCR тестови на аеродроми и пристаништа, на железнички станици и за време на големи културни или спортски настани“, велат истражувачите.
