Славната пејачка Лејди Гага речиси една година нема објавено нов материјал, поточно уште од филмот со Бредли Купер, „A star is born“, фановите немаа прилика да слушнат нешто ново од популарната Гага.
Сепак, таа сега се одлучи малку да ги промени работите, па како и секогаш, во свој стил, објави нова песна со уникатен спот, кој е инспириран од филмот „Моќните ренџери“, а насловот на новата нумера е „Stupid Love“.
Токму синоќа на Јутјуб беше објавен и спотот за песната, кој според првичните реакции на обожавателите, собра доста позитивни критики.
Леди Гага во оваа прилика се одлучи за интергалактички костими, гламурозни сцени, и енергичен танц, а самата песна е инспирирана од осумдесетите години на минатиот век.
Во продолжение слушнете како звучи новата песна на Лејди Гага и погледнете го спотот:
