По она што се случи на последната церемонија на доделувањето на Оскарите, и по оставката дадена на Академијата од страна на Вил Смит, сега глумецот ќе се соочи со двонеделна борба за да си ја спаси својата кариера бидејќи Академијата планира да му ја одземе статуетката.
Да се потсетиме, Добитникот на наградата Оскар за најдобар актер му удри шлаканица „во живо“на водителот на вечерта, Крис Рок, виновен за исмејување на сопругата на Смит, Џејда Пинкет Смит, поради нејзината болест алопеција.
Состанокот на одлучувачките членови на Академијата е закажан за 18 април, а таму ќе се открие „дали актерот ќе го задржи својот Оскар – со тоа и кариерата“, изјави близок човек на самата Академија.Во меѓувреме, проектите на ѕвездата, вклучувајќи ги филмовите Bad Boys 4 и драмата за ропство на Apple Emancipation, сега се на чекање бидејќи раководителите на студиото одбиваат „прерано да заземат страна“.
Смит разговарал со главните луѓе во организацијата на Оскарите минатиот вторник, а темата била – какви ќе бидат последиците од нападот, објави Variety, а разговорот на Зум траел цели триесет минути. Дополнително Смит им се извинил на челниците на Академијата за своите постапки и рекол дека е свесен дека ќе има последици.
Утрово пак, во странските медиуми осамна информацијата – постирана од Варајети, дека Вил Смит поднел оставка од Академија.
Сепак, за конкретните мерки кои ќе ги преземе Академијата за случајот Смит – Рок, ќе почекаме до 18.април и ќе дознаеме.
