Легендарниот пејач Мишо Ковач (82) пред една недела заврши во сплитската болница, а денеска е пуштен дома, јавува „Јутарњи лист“.
– Денеска, благодарение на лекарите, на целиот медицински персонал и на сите вработени во болницата кои во невозможни услови даваат сè од себе за доброто на секој пациент, Мишо го продолжува опоравувањето дома – рекла сопругата на Мишо, Лидија Ковач.
Да потсетиме, пејачот заврши во КБЦ Сплит поради зголемена телесна температура. Мишо, како што напиша „Јутарњи“, инаку има хронична опструктивна белодробна болест.
Ивана Ковач (46), ќерката на Мишо, рекла за „Јутарњи“ дека тој е превентивно во болница.
– Вистина е, Мишо е во болница. Не е ништо страшно, синоќа доби температура. Видете, кај него не е во прашање температура како кај нормален човек, па мораме да го однесеме во болница. Тоа е повеќе превентивно. Лекарите малку ќе го задржат, па ќе го пуштат дома – објаснила тогаш Ивана.
