Пејачот Мирослав Илиќ откри дека си купил гробно место за себе и за сопругата Гордана во родното село. Како што откри во изјава, не сака да почива во алејата на заслужните и дека повеќе го сакал Мрчајевци.
– Со жена ми веќе оградивме парцела на гробиштата во Мрчајевци, некои имаат проблем да зборуваат за ова, јас не. Оставив место во близина на гробовите на мајка ми и татко ми. Важно беше тоа да биде во Мрчајевци. Секоја чест за алејата на заслужните граѓани и сите други, но јас секогаш го избирам Мрчајевци – рече Мирослав.
Патем, тој не е единствениот кој го направи ова. Пред него гробни места купила и пејачката Злата Петровиќ. Злата смета дека секој одговорен човек треба да го направи тоа.
– Таа приказна за купување гробно место всушност започна со мене. Секој одговорен што купува куќа и гради дом треба да обезбеди и гробно место. Можеби сега стана мода, но не ми е баш гајле – изјави тогаш Злата.
