Поминаа четири години од емитувањето на последната епизода на „Suits“, но сепак серијата одново зема замав во гледаност благодарение на своето место на платформата за стриминг Нетфликс.
Додека проблемите се зголемуваат во личниот живот на Меган Маркл, нејзината професионална кариера добро се развива и понатаму привлекувајќи големо внимание.
Серијата „Suits“ се емитуваше на американска телевизија помеѓу 2011 и 2019 година, но сега, откако дебитираше на Нетфликс во јуни, го собори рекордот на стриминг на платформата.
Помеѓу 26 јуни и 2 јули, која беше првата недела од прикажувањето на оваа платформа, „Suits“ достигна 3,14 милијарди минути стриминг во седумдневниот период.
Претходниот рекорд го држеше „Манифест“ кој имаше 2,49 милијарди минути време на гледање според извештајот објавен од Холивуд Репортер.
Иако Меган Маркл имаше огромен успех како актерка во серијата, во улога на Рејчел Зејн, таа замина по завршувањето на седмата сезона за да се омажи за принцот Хари.
Таа беше еден од најпопуларните ликови во серијата, а сега пак, серијата уште повеќе е гледана токму поради нејзината „кралска“ популарност.
