Заменик-претседателот на рускиот совет за безбедност Дмитриј Медведев изјави дека САД, НАТО и Европската унија (ЕУ) не сакаат конечен раскин со Русија, бидејќи тоа е пат кон трета светска војна. Медведев својот став го напиша на својот канал Телеграм.
Тој вели дека тие се обидуваат Киев да го втурнат кон преговори.
Според Медведев, „несмасните обиди“ да се обвини Русија за инцидентот со проектилите што паднаа во Полска, никој не ги прифатил и тоа е „важен симптом“.
Заменик-претседателот на Советот за безбедност во својата порака изрази и мислење дека на украинскиот претседател Володимир Зеленски не му требаат преговори, бидејќи тие се опасни за него.
Политичарот рече и дека сите се многу уморни од украинските власти, а особено од „невротичниот Зеленски“.
