Александра Пријовиќ минатата година на својата турнеја „Од истока до запада“ испеа 16 концерти, од кои 5 беа во Загребската Арена во декември. За оваа година во моментов се најавени 8 концерти, од кои четири ќе се одржат во Градската градина во Осиек. Пријовиќ вчера го најави четвртиот концерт во Осиек за 17 февруари.
„Осиек, се гледаме на четвртиот концерт на 17 февруари. Среќна сум што ќе ви ја исполнам желбата, од сѐ срце ви благодарам за љубовта што ми ја давате“, рече Пријовиќ.
Александра ден порано го најави вториот ден од концертот во салата Спенс во Нови Сад. Според коментарите на социјалните мрежи, се чини дека публиката имала проблеми со купување билети.
– Страшно, се трудиме, но никако не можеме да купиме билети, ве молиме организирајте поинаква продажба на билети за да биде достапна на сите на продажните места – напиша еден фан.
Меѓутоа, една госпоѓа се потрудила да купи билети за својата ќерка и насмеа многу луѓе.
„Госпоѓо Пријовиќ, повеќе се измачив да ѝ купам карта на ќерка ми отколку кога ја родив“, напиша таа и собра над 350 лајкови на својот коментар.
