Лиам Хемсворт конечно е среќен и тоа со седум години помладата манекенка Габриела Брукс.
Актерот Лиам Хемсворт (30) минатото лето доживеа брачен бродолом со пејачката Мајли Сајрус (27), по помалку од една година по венчавката.
Мајли тогаш имаше кратка романса со блогерката Кејтлин Картер (31), а во моментот е во врска со пејачот Коди Симпсон (23).
Лиам многу потешко го поднесе разводот, кој беше финализиран дури минатиот месец и за прв пат недамна е виден со својата нова девојка, моделот Габриела Брукс (23).
Актерот и Габриела се видено во Лос Анџелес во четвртокот на ручек. Извор за американскиот магазин „People“ изјави дека парот е во сериозна врска и дека Лиам својата девојка ја запознал и со своите постари браќа, актерите Лук и Крис и со родителите.
Лиам Габриела ја одвел и во Австралија, неговата родна земја. Неговите пријатели велат дека тој конечно е среќен по разводот и дека со оваа девојка има многу повеќе заеднички работи. И двајцата сакаат да сурфаат, вежбаат и да уживаат на плажа.
– Лиам во последно време е во одлично расположение, велат неговите пријатели.
