Од падот на Берлинскиот ѕид до нуклеарно разоружување: Михаил Горбачов, последниот советски лидер, почина во болница на 91-годишна возраст по долго боледување.
Сакан на Запад поради неговата „перестројка“, која доведе до крајот на СССР и Студената војна, Михаил Горбачов од истите причини не беше толку сакан во својата татковина. Откако ги игнорираа вестите во раните утрински часови, руските телевизии почнаа да емитуваат остри коментари за Горбачов, а од страна на некои парламентарци беше наречен „трагедија за рускиот народ“. Рускиот претседател Владимир Путин се ограничи на изразување на своето „длабоко сочувство“.
Болен неколку години, а хоспитализиран во Централната клиничка болница во Москва, на дијализа од јули минатата година, неговата смрт вечерта на 30 август ја објави руската агенција Тасс.
Роден во село во јужниот регион на Ставропол на 2 март 1931 година, во семејство на селани, заминал во Москва за да оди на универзитет и да дипломира право во 1955 година, една година пред лансирањето на Спутник, настан кој го одбележува почеток на ривалството САД-СССР: светот е поделен на две сфери на влијание, два блока, тоа е Студената војна. Тој се приклучил на Комунистичката партија и се оженил со Раиса Титаренко, сакана животна сопатничка до нејзината смрт во 1999 година.
View this post on Instagram
Во 1970 година бил назначен за прв партиски секретар во Ставропол, а потоа, заштитен од сонародникот Андропов, станува шеф на КГБ. Во 1986 година, на 55-годишна возраст, ја изложува својата политичка програма под знамето на два клучни збора: Гласност (транспарентност) и Перестројка (реструктуирање), додека Западот покажува отворени симпатии за неговата фигура.
Со Роналд Реган во 1987 година, а потоа и со Буш во 1991 година ги затвори историските договори за намалување на нуклеарните арсенали, додека во 1989 година беше во Берлин неколку месеци пред падот на Ѕидот, по што следуваа револуциите во Централно-источна Европа и обединување на Германија. Потоа, ги повлече руските трупи од Авганистан.
Горбачов беше и првиот советски лидер што се сретна со папата – со Карол Војтила (папа Јован Павле Втори), во Ватикан. Во 1990 година ја доби Нобеловата награда за мир.
Следната година бил киднапиран три дена во претседателската вила на Крим, но пучот на конзервативните комунисти пропаднал: дури по овој настан, според историчарите, Владимир Путин, кој никогаш не го прифатил падот на Берлинскиот ѕид, официјално ја напушта КГБ. На следниот 8 декември, рускиот претседател Борис Елцин ќе го потпише раѓањето на Заедницата на независни држави, со Украина и Белорусија, со тоа најавувајќи го дефинитивниот крај на Советскиот Сојуз. На Божиќ 1991 година, Горбачов поднесе оставка како шеф на државата.
View this post on Instagram
По неговото повлекување од политичката сцена, Горбачов го основа Green Cross International, независна еколошка организација во 1993 година, и продолжи да патува низ светот учествувајќи на конференции, состаноци и дебати, секогаш промовирајќи ги идеалите за мир и демократија.
Критикуван дома за бавното темпо на економските реформи од прогресивците и за самите реформи од конзервативците, за неуспехот на неговата антиалкохолистичка политика и за последиците од распадот на СССР, Горбачов почна да биде и критикуван и на Запад ( поради неговиот двосмисленен однос кон Путин, беше нападнат како антидемократски политичар, а потоа во 2014 година порани барнењето на независноста на Крим).
Последното негово интервју го даде за рускиот весник „Новаја Газета“ додека беше во болница, тогаш рече дека загрижен за можна нуклеарна ескалација по руската инвазија на Украина.
Михаил Горбачов зад себе ја остави ќерката Ирина (65) и двете сакани внуки Ксенија (41) и Анастасија (35).
View this post on Instagram
