Пејачката Кети Пери (35) и нејзиниот партнер, актерот Орландо Блум (43) наводно одлучија да ја откажат својата венчавка поради страв од коронавирусот, пишува магазинот „People“.
Среќниот пар ја организирал венчавката и скоро се било спремно да се изговори судбоносното „ДА“, но поради моменталната ситуација и паника во светот поради коронавирусот, тие одлучија да ја одложат венчавката додека не е се побезбедно.
„Се беше спремно за венчавката, 150 гости беа повикани во Јапонија за венчавката. Кети беше навистина возбудена поради сето тоа, особено кога дозна дека е бремена, но сега се е откажано за некое посоодветно време“, тврди извор близок на парот.
Пејачката и актерот се потиштени поради откажувањето на церемонијата, но се сигурни дека донесоа правилна одлука.
„Беа пресреќни што конечно ги договорија сите детали за својата совршена венчавка, а потоа им се случи ова. Тажни се, но направија правилен потег и сфатија дека ќе има друга прилика“, рече изворот за магазинот „People“.
