Сè уште се чувствува шокот поради смртта на британската кралица, народот не ја крие тагата поради крајот на една кралска ера. Сепак, малку веселост во овој тажен момент внесол малиот принц Луис, еден од правнуците на кралицата.
Кејт Мидлтон, новата принцеза од Велс, во саботата пред толпата собрана пред Виндзор откри како нејзините деца реагирале на смртта на кралицата Елизабета Втора. Кејт на една од девојките од толпата и рекла дека најмногу ја трогнала реакцијата на нејзиниот најмлад син, принцот Луис.
-Луис рече – барем прабаба е сега со прадедо“, рекла 40-годишната сопруга на принцот Вилијам и успеала барем накратко да ги развесели насобраните и ожалостени граѓани кои тагуваат по загубата на најдолговечната британска кралица.
Само еден ден пред смртта на кралицата, трите деца на принцот Вилијам и Кејт Мидлтон тргнале во новото училиште во Виндзор, каде што семејството се пресели од Лондон овој септември.
View this post on Instagram
