Колумнистката на британскиот „Индипендент“ Мери Дежевски во својата колумна пишува дека Велика Британија требало да го покани рускиот претседател Владимир Путин на погребот на Елизабета Втора.
Таа смета дека администрацијата на Трас пропуштила „уникатна можност“ да создаде нов почеток во подобрувањето на односите со руските власти. Според колумнистката, Лондон и Москва ќе мора да ги подобрат нивните односи на овој или оној начин во одреден момент и затоа ова е голем пропуст.
Претходно Кремљ соопшти дека рускиот претседател Владимир Путин не оди на погребот на британската кралица Елизабета Втора.
Кралицата Елизабета Втора од Велика Британија почина на 8 септември 2022 година во нејзиниот замок Балморал во Шкотска. Погребот на кралицата ќе се одржи на 19 септември во Лондон.
