Гоца Тржан јавно се обрати на сите свои колеги кои се жалат на фактот дека настапите им се откажани поради пандемијата од коронавирус.
Голем дел од пејачите истакнаа дека здравјето е на прво место и дека ги почитуваат сите пропишани мерки, но и дека ги откажале сите досега закажани настапи, но како што наведува Гоца има и онакви кои „кукаат“ поради тоа што нема да може да работат во наредниот период.
Пејачката одлучи на таквите јавно да им се обрати, без влакна на јазикот.
„Бухууу, нам на естрадата ни е најлошо, се ни е откажано, ааа…Дај бре замолчете, не се**те , не се бламирајте, бидејќи има многумина кои не заработуваат ниту мал дел од тоа вие што го земате и исто така се им е откажано“, напиша Гоца и додаде:
„Толку од мене во ситуацијава. Не можам, а во ваквите моменти да не мислам на оние кои немаат многу, а исто толку се уплашени… Ќе помине, да бидеме трпеливи, внимателни, паметни, чувајте се себе и сите околу вас. Љубов за сите постари луѓе кои се изолираа, љубов за моите родители, ќе се прегрнеме наскоро“.
