Британската актерка Кејт Бекинсејл (46) важи за една од најатрактивните жени во Холивуд. Честопати е на удар на критики поради нејзината слабост – млади момчиња.
Овој пат новиот избраник на Кејт е музичарот Гуди Грејс (22), пишува „Дејли мејл“. Тие објавија видео на кое се држат за раце на прошетка, со коментар дека на актерката не ѝ пречи што нејзиното момче е врсник на нејзината ќерка.
Кога лани беше во врска со комичарот Пит Дејвидсон (26), Кејт беше критикувана дека не се однесува во склад со своите години. Но, актерката не се осврнува на тие коментари, па затоа по аферите со Дејвидсон, Мет Риф (23) и Џек Вајтхол (31), повторно има ново, младо момче, кое е само една година постаро од нејзината ќерка Лили Мо (21).
Кејт беше во брак 12 години со режисерот Лен Вајсмен (47) од 2004 до 2016 година. Претходно, од нејзината осумгодишна врска со актерот Мајкл Шин (51) ја има ќерката Лили Мо.
Дел од нејзините фанови се разочарани од нејзиниот избор.
