Италијанскиот уметник Александро Паломбо покрена нова кампања посветена на сите жени кои трпат насилство во текот на пандемијата на коронавирусот, под називот „Борба за живот“.
Уметникот за потребите на кампањата искористи фотографии од Лиса Еделстрин, Ева Лонгорија, Оливија Вајлс, Тери Хачер и уште една ѕвезда од „Очајни домаќинки“, Марша Крос.
Целта на кампањата е да ја подигне свеста за жените кои моментално трпат семејно насилство и ги преживуваат најлошите денови во својот живот во текот на пандемијата на коронавирусот кога се затворени дома со насилникот.
Кампањата на Паломбо има за цел да ги покаже двете најголеми битки кои жените во моментот ги водат – од една страна, докторките и медицинските сестри се борат на еден фронт, а оние другите жени затворени во домот губат на друг фронт. И едната и другата страна се борат за живот.
Затварањето кое го наложи вонредната ситуација предизвикана од пандемијата на коронавирусот предизвикува силна социјална и економска нестабилност поради загубата на приходи и недостатокот на социјални односи. За сите жени кои веќе живеат во сенка на семејното насилство, оваа самоизолација може да стане смртоноста.
Уметникот апелираше се што останатите ќе слушнат веднаш да го пријават со цел да се спаси живот.
– Доколку слушнете врисок или тепање кое доаѓа од некој од соседните станови, не смеете да молчиме. Тишината ве прави соучесници.
ОБРАТЕТЕ СЕ ЗА ПОМОШ! НЕ ШТИТЕТЕ ГО НАСИЛНИКОТ!
- ПОЛИЦИЈА 192
- Согласно мерките и активностите за превенција од ширење на болеста COVID-19 (корона вирус) донесени од Владата на Република Северна Македонија, Министерството за труд и социјална политика известува дека жртвите на семејно насилство кои имаат потреба од помош, поддршка и заштита од семејно насилство најпрво да се јават на Националната бесплатна мобилна СОС линија за жртви на семејно насилство 070/075/077 141 700; која обезбедува 24 часовна точна, навремена и доверлива информација за заштита на жртвите, достапните услуги и телефонско советување на жртвите на родово базирано насилство и семејно насилство.
- Во случаи кога постои сознание за загрозување на животот и здравјето на граѓаните, како последица на родово базирано насилство и семејно насилство, како и кога дете е жртва на семејно насилство, да се пријави до најблиската Полициска станица или надлежниот Центар за социјална работа.
- Линк за контакт на ЦСР: http://www.mtsp.gov.mk/institucii.nspx
