Српската пејачка Зорица Брунцлик на својот официјален инстаграм-профил откри дека била цел на измама. Имено, на нејзино име е отворен профил на социјалната мрежа Фејсбук, каде што се објавуваат изјави, а пејачката сега мораше да реагира.
– Мили мои, на Фејсбук е направен лажен профил, каде што се прикачуваат објави што наводно ги изјавила Зорица. Сè што е објавено на таа страница во име на Зорица или нејзиното семејство е лажно. Единствениот вистински профил има сина значка – пишува на инстаграм-профилот на Зорица Брунцлик.
Инаку, Зорица Брунцлик пред неколку дена беше итно оперирана.
Нејзината колешка Весна Змијанац откри дека слушнала за операцијата на Брунцлик, но не била информирана за деталите.
– Слушнав нешто, но не ги знам деталите. Многу ми е жал ако е нешто сериозно и се надевам дека ќе помине и дека Зорица ќе ни се врати. Ја сакам многу, сакам што побрзо да оздрави – рекла Весна Змијанац за „Блиц“.
И пејачот Мирослав Илиќ открил дека слушнал за информацијата дека Зорица Брунцлик била оперирана и дека му е жал за колешката.
– И јас слушнав нешто, но сега не знам колку е драматично. Како и да е, жал ми е – изјавил Мирослав за „Хајп“.
