Пејачот Бојан Томовиќ открива дека веќе неколку години не настапува поради тоа што се посветил на своето здравје и справувањето со биполарното пореметување. Тој за српски „Блиц“ изјави дека има други извори на приход и дека не е изложен на ризици како некои други ѕвезди, кои можат да бидат цел на закани или инциденти.
„Беше одлично во болницата, таму го дочеков роденденот. Некако се чувствувам меѓу своите. Знам дека многумина беа загрижени по мојата објава, имав проблеми и нормално е понекогаш да завршам во болница поради своето здравје, но сега е се во ред“, рече Бојан.
Тој додаде дека кога ќе почувствува лоши мисли и ризик од самоповредување, сам се упатува во болница, каде е под надзор, што за него е вистинска помош.
„Што се однесува до работата, иако ме повикуваат, не настапувам. Имам приход од авторски права и други работи, така што настапите ми не се потребни. Исто така, сум безбеден кога станува збор за закани, не можам никому да бидам цел. Жал ми е за инцидентот со куќата на Здравко Чолиќ и бомбата, но јас немам пари и не сум цел на никого“, објаснува Бојан.
Бојан признава дека често патува меѓу Црна Гора и Белград, за да ги види роднините и пријателите, како и за мало опуштање и забава.
„Мајката за мене е света личност, тоа порано не го сфаќав. Свесно се откажав од родителство поради биполарното пореметување, кој може да биде наследно. Велат дека безусловната љубов е само мајчината, и мислам дека тоа е вистина. Ѝ се восхитувам на мајка ми, но и на брат ми кој има своја фамилија, бидејќи тие се секогаш тука за мене“, заклучи Бојан.
