Сè уште актуелен американски претседател Џо Бајден ќе стане прадедо. Неговата внука Наоми Бајден на денот на изборите откри дека го очекува своето прво дете со сопругот Питер Џорџ Херман Нил, пренесуваат странските медиуми.
Наоми ја откри среќната вест на својот инстаграм-профил со фотографија на која позира пред огледало. Така таа го покажа трудничкиот стомак и напиша дека отишла да гласа со своето бебе.
View this post on Instagram
Наоми и нејзиниот сопруг Питер се запознаа во 2018 година, откако ги поврза заеднички пријател. Свршувачката ја објавија во 2021 година, а се венчаа во 2022 година на приватна церемонија во дворот на Белата куќа. Нејзините баба и дедо, Џо и Џил Бајден, тогаш рекоа дека било „задоволство да се гледа како расте“ и „да си создава неверојатен живот за себе“.
„Горди сме што таа го избра Питер за свој сопруг и чест ни е што ќе се придружи на нашето семејство. Им посакуваме денови исполнети со смеа и љубов која постојано расте“, изјавиле тие.
Наоми, ќерката на Хантер Бајден и неговата поранешна сопруга Кетрин, е најстарата внука на Џо Бајден. За време на бракот, парот доби уште две ќерки, Финеган и Мејзи. Хантер ја има и ќерката Нави Робертс со поранешната партнерка и синот Бо со втората сопруга Мелиса Коен.
