Александра Пријовиќ во понеделникот го одржа својот шести и последен концерт во Загреб во рамки на актуелната турнеја „Од исток до запад“.
И покрај тоа што беше понеделник и почеток на работната недела, загрепчани ја наполнија Арената до крај. Откако им се обрати на присутните и им се заблагодари за сѐ, пејачката ја вети лудата и најдобра забава до сега во Загреб, која и ја исполни.
Прија се пресоблече три пати минатата вечер. Концертот го започна во елегантен златен фустан со шлиц на едната страна, кој ги покажа нејзините совршено извајани нозе, а потоа следеше шок.
Во вториот дел од концертот, Александра истрча на сцената во градник обложен со циркони и гол стомак. Врисоците на публиката го надополнија огнот на сцената, кој беше дел од сценографијата, додека сите коментираа дека Прија досега немала толку предизвикувачки стајлинг. За третата комбинација пејачката избра мини шорцеви и сако со светки.
