Актерката Слобода Миќаловиќ синоќа заврши во Ургентниот центар, откако се степала со извесна С.Д. (47), која претходно ја нападнала. Конфликтот се случил на плоштадот „Караѓорѓев трг“ во Земун.
Сега, за „Курир“ очевиец на инцидентот открива дека целата ситуација изгледала нереално, како на филм.
– Како и секоја вечер речиси во исто време, излегувам да го шетам кучето. Веднаш штом излегов и направив круг, во близина на паркираната кола слушнав врисоци на непозната жена која врескаше на сиот глас. Отпрвин не разбрав за што се работи, но ја препознав актерката чија коса, непознатата жена почна да ја влече додека пцуе. Од љубопитност дојдов малку поблиску и слушнав дека проблемот настанал околу паркинг просторот и дека жената цело време викала на Слобода дека ја удрила кола. Во еден момент слушнав како актерката негира, но тие врескаа толку многу што не можев да го издвојам секој збор – изјавила жената за Курир.
Како што вели, набрзо се собрале минувачите бидејќи викањето и пцуењето го привлекло вниманието на сите, а актерката некому му телефонирала.
Да потсетиме, брзата помош пристигнала на местото на настанот бидејќи Слобода се пожалила на болки во пределот на главата, поради што била префрлена во Ургентниот центар. По приемот кај Слобода биле констатирани повреди на главата и коленото со хематоми.
