Легендата на народната музика Зорица Брунцлик и истакнатиот естраден уметник Мирољуб Аранѓеловиќ Кемиш одлучија по 40 години заеднички живот во чест на својат љубов да организираат голема свадба и да ги обноват своите брачни завети, а подготовките се наголемо во тек!
Свеченоста, за која ќе се зборува долго време и која целата естрада со нетрпение ја очекува, ќе се одржи на 29 јуни оваа година, а додека сопружниците одбројуваат до гала прославата, откриваме нови детали за сè што ќе се случува, пишува српски „Курир“.
Зорица и Кемиш веќе испечатиле и покани за своите почесни гости. Пораката е напишана со златни букви:
– Пред точно четири децении, се заколнавме на вечна љубов. Годините поминаа, но срцето и понатаму го избира истото. Затоа сакаме, опкружени со оние што ги сакаме, уште еднаш да изговориме „ДА“ – еден на друг и на љубовта што трае. Бидете дел од нашата свеченост за обнова на брачните завети. На местото каде што се среќаваат љубовта и радоста.
Во аглите околу текстот се наоѓаат бели рози, кои симболизираат љубов, слобода, чистота и вечност – сè што ја опишува нивната врска што трае со години.
Поканата за венчавката на Зорица и Кемиш можете да ја погледнете – ТУКА.
Насловот и потписите на српските ѕвезди се розови, што стана синоним за легендата на народната музика, како и нејзин заштитен знак.
Инаку, раскошната прослава ќе се одржи во нивниот дом во Крњача. Овој гламурозен настан ќе се одржи во дворот покрај базенот, па затоа наголемо се работи за да се уреди секој агол за сè да изгледа онака како што го замислиле младенците. Пред куќата ќе бидат поставени шатори, маси и столови, кои ќе бидат специјално декорирани. Исто така, ќе се испочитуваат сите српски обичаи, а деновиве музичката дива и нејзините ќерки специјално избираат декорации од неколку декоратери, кои ги носат своите дизајни.
Што се однесува до храната, таа ќе биде вистинска магија. Менито ќе содржи вистинска домашна кујна, од мезетлук, до највкусни сирења, овошје, месо, разни специјалитети, домашни пити и, секако, неизбежни десерти.
Зорица Брунцлик првпат во животот ќе облече венчаница.
– Верувајте ми, овој спектакл не смее да се пропушти. Тоа ќе биде вистинска српска свадба. Се води сметка за секој детаљ, но можам да ви кажам дека Зорица ќе изгледа прекрасно. Сите во куќата вредно работат за овој ден да биде запишан како убав спомен на семејство кое се цени, сака и почитува – раскажува пријател.
Јасно е дека секој сегмент ќе биде внимателно испланиран: од ексклузивниот амбиент, преку импресивниот список на гости, до забавната програма. Подготовките се во полн ек.
