Поранешниот македонски кошаркар и репрезентативец Александар Димитровски – Мачка наполни 45 години и роденденот го одбележа на најемотивен можен начин – со својот син Максим во раце.
Овој роденден беше прв што го слави како татко на малиот Максим, кого го доби со сопругата Едина Муса – исто така позната македонска кошаркарка. Таа на социјалните мрежи сподели неколку фотографии од семејниот викенд.
„Среќен прв роденден како мој тато“, напиша Едина под фотографијата на која Мачка го држи синчето во прегратка.
Едина и Александар се венчаа во ноември минатата година, а Максим се роди во февруари. Ова е прво дете за Муса, додека Димитровски има уште две деца од бракот со пејачката Тамара Тодевска.
