Чичевски Трајче е риболовец, градинар, господин од природата. Внуците пак, го обожаваат, а има и зошто.
Тој е пензионер од Скопје. 40 години работел во АД Алкалоид, после пензионирањето пак, времето го поминува во викенд куќата во преубавото скопско село Горно Коњаре, кумановско.
Трајче е голем љубител на цвеќето, природата и риболовот.
Неговиот двор во село Горно Коњаре се простира дури на на 1.500 метри квадратни, од кои илјада се претворени во фудбалско игралиште со мали голчиња поради пасијата и љубовта на неговите внуци кон фудбалот.
Останатиот дел од дворот, особено во летно време, служи како плажа со лежалки и базен за уживање на целото семејство.
– Голем двор бара многу посветеност и одржување. Јас го правам тоа со многу љубов, не ми претставува никаква тешкотија да поминам и часови средувајки го дворот кога нема никој во куќата – ни открива Трајче и додава дека секојдневно поминува и по 50 километри само да ги наводни цвеќињата и да се врати дома.
Со господин Трајче стапивме во контакт преку неговата горда ќерка Љупка Чичевска Стоевска.
Инаку, Љупка е членка на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!
Уживајте во прекрасната фотогалерија од дворот на Трајче.
Фото – приватна архива
