Водителката на овогодинешниот избор за песна на Евровизија во Торино, италијанската пејачка Лаура Паузини (48), откри дека е позитивна на ковид-19 и дека всушност поради тоа и се слошило за време на преносот во живо.
– Да, нешто навистина не беше во ред. Од саботата не се чувствувам добро. Мислев дека тоа е предизвикано од насобран замор, но не било така. Само што дознав дека сум позитивна на коронавирус, поради што сум изолирана и не можам да патувам – напиша таа и додаде дека поради тоа нема да може да учествува на концертот Amor a la Música на Флорида.
Паузини, која го водеше изборот за песна на Евровизија со Алесандро Кателан и пејачот Мика, за време на гласањето одеднаш исчезна, а подоцна на социјалните мрежи објави дека и се слошило од преголем стрес.
