20.8 C
Скопје
01:41 - 30 јуни, 2022

(Фото) Дворот како предизвик, радост и најдобра терапија за душата: Весна ни ги отвора вратите на нејзиниот цветен рај

Весна Качурова Коцева по професија е инженер по технологија за текстилна конфекција и работи на струката. Смета дека не постои човек кој нема љубов кон цвеќињата, посебно кога се поседува голем двор и неговото уредување станува предизвик за домаќинката. 

Цвеќето бара да се сака, тоа си бара љубов и внимание, и кога тоа ќе го добие, ви пружа многу повеќе отколку што очекувате. Пружа убавина на душата, радост, релаксација како ниедна друга терапија. Фото-приватна архива

Тоа важи и за Весна. Дворот се наоѓа во Валандово и се простира на 600 метри квадратни.

– За уредување на дворот во нашиот дом сум претежно одговорно јас – ни открива Весна – имено, јас ги купувам цвеќињата по претходно осмислен план каде кое цвеќе да биде засадено, а во одгледувањето ми помага и сверкрвата, па така, кога сум јас на работа, таа ја презема грижата околу наводнувањето.

Во овој преубав двор доминираат темјанушките, за Весна – најубавото и најотпорно цвеќе. Ги засадува во ноември и непрекинато цветаат сè до јуни. А потоа, на истото место засадува далија, петунија и сифинија.

– Морам да нагласам дека цвеќето го познава исклучиво од снаа ми, сопругата на мојот брат, Гуда Качурова, која професионално се занимава со одгледување на цвеќе и кај неа го има најубавото цвеќе кое секогаш успева. А исто така, со одгледување на цвеќе се занимава и нашиот сосед Милан Гугичев, па така кога е во прашање уредувањето на нашиот двор не треба да се оди далеку по цвеќе, го имаме на претек во нашето опкружување.

(ФОТО) ВО РАЈСКОТО ДВОРЧЕ НА ГУДА ВО МОНОСПИТОВО: Тука цвеќињата пеат заедно со птиците

Весна понатаму ни објаснува дека меѓу најзастапените цвеќиња во нејзиниот двор е и цвеќето винка.

Прекраната винка има сјајни, светлозелени листови и цветови со пет латици кои може да бидат еднобојни во сите нијанси од бела до виолетова, а понекогаш имаат и средишен дел во друга боја.

– Винка е многу издржливо цвеќе, посебно на местата кои се изложени на сонце преку целиот ден – додава Весна.

Но тоа не е сè кога ги набројуваме цвеќињата. Тука има раскошен индијски јоргован, рододендрон, хортензии и и дрвја каталпи, а од саксиско цвеќе има сардели, бегонија, гарденија, и уште многу други саксиски убавици.

– За убав изглед на еден двор е потребно доста време, од наводнување до ставање прихрана на секое цвеќе и запрашување против бубачки и болести. Значи секое попладне е воглавно резервирано за дворот и околу дворот, вклучувајќи го задолжително и кафето со некоја од сосетките кои исто така имаат прекрасно уредени дворови – ни раскажува Весна.

Весна вели дека не постои цвеќе кое не изобилува со своја убавина, но сепак, ако мора да издвои, нејзино омилено цвеќе е орхидејата.

– Таа се истакнува со посебна убавина дури би ја нарекла и кралица на цвеќето – вели Весна и додава – Многу е тешка за одгледување, цвета ретко, ама додека те радува со цвет не можеш да ѝ се изнагледаш. Орхидејата ја чувам исклучиво во домашни услови, порак прозорец. Исто така имам и бонсаи кое би го издвоила како омилено. А од дворско цвеќе, број еден ми е секогаш темјанушката, а по неа винката, тие се најиздржливи и едноставно не е можно да ги засадиш, а да не ти успеат.

А, кој е, за Весна, најголемиот предизвик кога дворот е во прашање?

– Дворот сам по себе е предизвик, доколку сакате да уживате во него, тој не ве остава да го запоставите, на целиот спокој што го пружа, на вкусното и омилено кафе, на ноќните седенки и муабет, пружа толку многу, а за возврат си бара нега и време – ни одговара таа.

Наместо градинарски совет, Весна ни го открива правилото за цвеќето да успее.

– Цвеќето бара да се сака, тоа си бара љубов и внимание, и кога тоа ќе го добие, ви пружа многу повеќе отколку што очекувате. Пружа убавина на душата, радост, релаксација како ниедна друга терапија.

Инаку, Весна е членка на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!

Уживајте во прекрасната фотогалерија.

Фото – приватна архива

Двор под винова лоза од 2.500 квадратни метри во село Пепелиште: Блазе ѝ на вредната Донка што и сопругот има златни раце!

 

Слични објави

Ева Лонгорија за абортусот во САД: „Ние жените нема да молчиме; требаше Обама да именува нови судии, а не Трамп“

Еспресо

„По разделбата со Џони Деп ги собирав деловите од својот живот, не се грижев за себе“, Винона Рајдер отворено за своите мрачни периоди од животот

Еспресо

Сузана Манчиќ прозборе за голите фотографии: Заработив повеќе од кој било во историјата на Плејбој

Еспресо

Од Летиција од Шпанија до Брижит Макрон, Џил Бајден и Елизабета Ѓоргиевска: Најдобрите модни изгледи на гала вечерта на самитот на НАТО

Еспресо

Портпаролот на Џони Деп: „Нема враќање во Пиратите од Карибите“, фановите се разочарани

Еспресо

Славчо Попоски најавува нестабилност со пороен дожд

Еспресо
Се вчитува....