Г-ѓа Данка Цреварова има полни раце работа – дел е од семејната приватна фирма за изработка на маси и столици, кадешто работи, а одгледувањето на цвеќиња ѝ е хоби.
– Заедно со син ми го уредуваме нашиот двор – ни октива Данка.
Дворот се наоѓа во село Сушица, Струмица, а голем е околу 5 ара. Доминираат темјанушките, сурфинии, петунии, стаблести ружи, зеленики…, но тука се уште низа други видови и прекрани растенија.
Данка на својот двор се посветува после работното време, но секојдневно одвојува за своите убавици по два часа.
– За сонце повеќе се погодни темјанушки и малоки – советува Данка за сите оние што имаат балкони и дворови кои се посипани со сончева светлина.
Вели дека сака дворот да ѝ е исполнет со цвеќиња во разни бои и да ужива во него.
– А најголемо задоволство ми прави фонтаната во нашиот двор – открива таа.
За да почне некој со одгледување цвеќиња, Данка советува дека најпотребно е да се сакаат цвеќињата, а секако и да се има слободно време за нивно одгледување.
Инаку, Данка е членка на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!
Уживајте во прекрасната фотогалерија од дворот на Данка во струмичкото село Сушица.
Фото – приватна архива
(Фото сторија) Сложни соседи двор градат: Средба со Сузана Христова и станарите со зелена визија
