Разговараме со Сузана Христова, по професија предилец, но темата на нашата фото-приказна е во сосема друга насока – во дворот на станбената зграда во која таа живее сложно со соседите.
Зградата се наоѓа во Струмица на улицата Крсто Узунов, а дворот простран пред зградата, речиси како парк, го уредуваат 7-8 станари.
– Сите заедно го средуваме дворот, се грижиме за цвеќињата, садиме…Доминантни се цвеќињата бонбонче, но имаме и трендафили, темјанче, и други видови на прекрасно цвеќе – ни вели Сузана, која е една од станарите на оваа зграда за пример.
Интересно е што станарите се возрасни луѓе, со просечна возраст од 60-на, 70 години, но на ваквата зелена акција често се приклучуваат и помладите станари.
Инаку, Сузана е членка на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!
Уживајте во прекрасната фотогалерија од дворот на сложните станари во Струмица кои имаат визија за зелен град.
Фото-приватна архива
