Најстарата ќерка на Џони Деп е видена како јавно се бакнува со раперката 070 Шејк, а подоцна на Инстаграм девојките ја потврдија нивната врска.
Лили-Роуз Деп ја потврди својата врска со популарната раперка на својот Инстаграм профил фалејќи се дека се 4 месеци заедно.
Таа постираше и фотографијата на која се бакнува со раперката 070 Шејк чие вистинско име е Даниеле Балбуена.
Lily-Rose Depp is dating rapper 070 Shake. pic.twitter.com/5EeezMTi1c
— Pop Tingz (@ThePopTingz) March 5, 2023
И раперката објави фотографии на својот Инстаграм профил подеднакво горда на романсата со моделката која е ќерка на славниот глумец.
Двете популарни девојки се во врска од јануари. Првите шпекулации дека се заедно се појавија кога двете заедно присуствуваа на Париската модна недела каде си разменуваа нежности, а дури потоа Лили-Роуз Деп прикачи нивна фотографија на социјалните мрежи.
lily-rose depp and (dani) 070 shake pic.twitter.com/TAGmOFRCSv
— line (@liIyvogue) May 11, 2023
Инаку, убавата Лили-Роуз Деп во минатото имаше и момчиња, а меѓу нив и славните Остин Батлер и Тимоти Шаламе.
Сепак, моделката се обидува да остане далеку од очите на јавноста кога се во прашање нејзините врски, па ретко може да биде уловена од медиумите и папараците. Самата неодамна ѝ рече на глумицата Дру Баримор во едно интервју: „Мислам дека вредноста на приватноста е нешто што ми е всадено уште од рана возраст“, додавајќи дека од мали нозе научила да се грижи за својата приватност зашто растела во семејство кое отсекогаш било во центар на вниманието и така преку родителите (Џони Деп и пејачката Ванеса Паради) научила како да ги чува нештата само за себе.
