Елката во италијанското средновековно ридско гратче Губио, во регионот на Умбрија, во централна Италија, и годинава привлече бројни туристи особено што токму оваа година повторно си го врати приматот на најголема елка во светот поставена на планина.
Нејзиниот рекорд во Гинисовата книга е одново потврден, а поставен во 1991 година.
Оваа фасцинантна елка се протега, со основа од 450 метри, на над 750 метри на падините на планината Ингино, почнувајќи од градските средновековни ѕидини па до базилика на врвот на планината.
Фигурата на огромната новогодишна елка е направена со вешто уредување на дивите падини на планината Ингино, и со помош на светлечки тела од различни видови и бои.
За време на божиќните празници Губио се трансформира во бајка. Изобилува од бројни атракции и настани за млади и стари, божиќни пазари, панорамско тркало и секако – поглед на најголемата елка во светот која е видлива од далеку.
На плоштадот Кваранта Мартири ќе ја најдете санката на Дедо Мраз влечена од неговите коњи, а достапна е за прошетка во неа низ улиците на историскиот центар.
Панорамски поглед на романтичниот осветлен град овозможува и жицарницата. Така, за само шест минути од срцето на Губио може да се качите до базиликата С. Убалдо (803 н.в.), каде што се чува урната на светецот заштитник на градот.
Сепак, единствена магична возбуда може да доживеете и ако одите пеш по улиците што ја минуваат елката.
Трета опција да го разгледате градот е да се качите на туристичкиот воз кој ќе ве потопи во магијата на илјадагодишната историја, во културата и традициите на Губио, град кој не престанува да воодушевува.
View this post on Instagram
View this post on Instagram
View this post on Instagram
