Нашата позната поп пејачка Елена Ристеска редовно споделува фотографии на социјалните мрежи од нејзините најнови ангажмани, а последно сподели и информација околу нејзиното жирирање на еден од познатите фестивали во Црна Гора.
View this post on Instagram
На инстаграм – профилот, Елена објави фотографии и видео од официјалната пресконференција која се случуваше во Куќата на Нобеловецот Иво Андриќ.
„Огромна чест ми е да споделам со вас дека сум дел од официјалната комисија за избор на песни и пејачи на фестивалот „Наше море, наше скале” во Херцег Нови, Црна Гора.
Задоволство ми е што заедно со Џорџе Давид и Данијел Алибабиќ ќе ги избираме песните што ќе влезат во потесна селекција за учество на фестивалот кој ќе се одржи во јуни 2022ра година , целосно нова приказна за целата балканска музичка сцена.
На оваа прес конференција јас сум претставник од Македонија, Данијел за Црна Гора и Џорџе Давид за Србија и покрај комисиска улога, имаме и промотерска улога и сме дел од организацијата.
Благодарам за поканата на организаторот “Адриа и Јадран медиска група” со која од денес па натаму ќе имаме одговорна задача да одбереме убава шоу програма на фестивалот.
Јас од црногорските фестивали и црногорската публика ја имам поддршката во кариерата уште од самите почетоци, покрај неколкуте учества ги имам и двете прекрасни награди за “Дебитант на годината” и за “Дует на годината” со Регина, истата година и ден кога бевме и предгрупа на концертот на Ролингстоунс во Будва.
Нека ни е среќно и успешно ова патешествие!
– напиша таа во објавата.
View this post on Instagram
Освен што ја сподели оваа вест со своите следбеници, таа се фотографираше во Подгорица со својот пријател од музичката естрада, Бојан Маровиќ за кој напиша дека „ ѝ е како брат“ и дека ужива во гостопримството во Црна Гора.
