Еден од најбараните модели на сите времиња, рамо до рамо со Синди Крафорд и Наоми Кембел, е и Клаудија Шифер.
За мајското издание на магазинот „Elle“ оваа манекенка зборуваше за својата кариера како манекенка која траеше дури три децении.
Таа наведе дека живеела како рок ѕвезда, и дека дури и нејзината долна облека имала телохранители.
Оваа 49-годишна манекенка наведе дека била поинаква од останатите модели. Не разговарала многу со другите луѓе, па токму затоа многумина мислеле дека е арогантна, се присети таа.
Исто така призна дека и при секое излегување на пистата била исклучително нервозна.
Бидејќи за неколку месеци полни 50 години, супермоделот наведе дека стареењето го смета за природен процес и дека не се плаши од тоа.
„Не мораат сите да ме нарекуваат убава цел живот“, наведе Клаудија Шифер.
