Потпретседателот на рускиот Совет за безбедност Дмитри Медведев ја смета одлуката на американскиот претседател „разумна“.
САД нема да испратат ракетни системи во Киев што можат да стигнат до руска територија, рече претседателот Џо Бајден.
Неодамна, Си-Ен-Ен објави дека Белата куќа подготвува нов пакет воена помош што ќе вклучува и ракетни системи со среден/долг дострел. Станува збор за ракетниот систем со повеќекратно лансирање (MLRS) и артилерискиот ракетен систем со висока мобилност. Двата системи можат да лансираат проектили до 300 километри на копнени цели од мобилни возила, подалеку од досега испорачаните проектили со максимален дострел од 25 километри, пренесува раињуз.
Потпретседателот на рускиот Совет за безбедност Дмитриј Медведев ја смета за „разумна“ одлуката на американскиот претседател Џо Бајден да не ја снабдува Украина со ракети со среден дострел, способни да стигнат до Русија, пренесува Тасс.
