– Под влијание на МНОГУ ТОПЛА воздушна маса од Африка, како што најавивме во следните денови времето во Македонија ќе биде претежно стабилно, суво и сончево со мала до умерена локална облачност. Сепак во попладневните часови не се исклучува можноста за изолирана и краткотрајна нестабилност, проследена со пороен дожд, грмежи и засилен ветер. Температурите ќе бележат тенденција на значителен пораст, и максималните дневни ќе се искачуваат во интервалот од 29 до 35 степени, додека во најтоплите предели истите се очекува да надминат 35 степени.
Во Скопскиот регион во следните денови времето ќе биде претежно стабилно, суво и сончево со мала до умерена локална облачност. Сепак во попладневните часови не се исклучува можноста за сосема ретка појава на краткотрајна нестабилност. Температурите ќе бележат тенденција на пораст и максималните дневни ќе се искачуваат во интервалот од 30 до 35 степени – вели метео прогнозерот Попоски.
НАПОМЕНА: УВ – ИНДЕКСОТ во следните денови ќе биде ЕКСТРЕМНО ВИСОК и ќе изнесува коефициент некаде околу 10, па затоа на граѓаните ги советуваме да се заштитат од лошото влијание на сонцето овие денови.
