За да се подигне свеста за потребата од социјално дистанцирање во време на пандемијата од коронавирусот, група на американски активисти ги редизајнираа омотите на познатите албуми, така што членовите на бендовите ги оддалечија едни од други, пренесува „Headliner“.
Проектот се вика „6 feet covers“ и е дело на група на активисти од Лос Анџелес, кои себеси се дефинираат како лица „определени за социјални, економски и културни промени во општеството“.
Уште од минатата недела својата работа ја споделуваат на Инстаграм, а обработуваат албуми на „Битлси“, „Квин“, „Кис“, Блонди, „U2“, „Рамонс“ и „Б-52“.
Повеќе вакви „уметнички дела“ може да се најдат на нивната веб-страница, каде може да се забележат и дизајнирани омоти од легендарни албуми и на „AC/DC“, Пол Сајмон, но и уште многу други.
Во продолжение погледнете како изгледаат редизајнираните омоти на славните албуми во време на коронавирус:
