Денес разговораме со Јасмина Колеска, со адреса во Пинтија и двор од 60на квадратни метри, но и со голем цветен раскош на терасите.
Јасмина е трговска работничка, а со цвеќиња се занимава околу 15 години.
Вели дека постепено, малку по малку, си го средува дворчето, а тука се и салонските цвеќиња.
– Моја е грижата за одгледување, бидејќи уживам во нивно друштво. Секако бараат многу време, ама кога се работи со љубов не е никаков проблем, барем за мене, па затоа тие ме наградуваат со преубави цветови и плодови – ни објаснува Јасмина.
Освен цвеќињата во дворот има и киви, калинка и јаготки.
– Сарделата дефинитивно ми е најомилена, потоа розите, темјанушките, а и обетката има доста убави цвеќиња – вели жената со цветно име.
Во текот на студените денови, цвеќињата се згрижени некои во подрум, а некои пак, во домашниот салон. Ама затоа, од мај до ноември, дворот е вистинки сјај преполн со цвеќе!
Јасмина ги советува онаа кои сакаат да почнат да се занимаваат со цвеќе дека желбата е најважна.
– Ако ги сакате и им обрнете по неколку минути во текот на денот, тие секако ќе ве наградат со својата убавина. Сарделата е најлесна за негување бидејќи е најиздржлива и во лето и во зима, а не е многу захтевна – советува нашата љубезна соговорничка.
УЖИВАЈТЕ ВО ФОТОГАЛЕРИЈАТА:
