Фитнес инструкторката Елена Мирческа подготви нов сет вежби – тернинг со стап, адаптирани за домашни услови за читателите на порталот „ЕСПРЕСО“.
Денешниот избор на вежби е целосен функционален тренинг со стап.
Вежбите со стап можеби на прв поглед звучат и изгледаат смешно, но бенефитите кои можат да се добијат се бројни! Тука се комбинирани мобилизација на зглобовите, јакнење на мускулатурата и длабоко мускулно и фасцијално истегнување. Вежбите со стап имаат многу поголема координација на движењата од обичните вежби, стапот служи како потпора при нивното изведување и со тоа рангот на движење е многу поголем. Со редовно изведување се подобрува перформансот и на сите останати движења, се редуцира ризикот од повреда и најважно од сè е што може да се користат при закрепнување после повреда, – ни обајаснува фитнес инструкторката Елена Мирческа и додава:
– Изборот на денешните вежби кои ги подготвив за вас ги опфаќаат сите мускулни групи и може да се користат како целосен тренинг, без разлика дали сте апсолутен почетник или вежбате подолго време. Бројот на повторувања на вежба и рангот на движење можете да го определите сами, во согласност со вашата мобилност.
Ајде, да вежбаме заедно!
За повеќе вежби, можете да ги посетите и „онлајн“ часовите на Елена или да ја „лајкнете“ Фејсбук страната @FitnesStudioLadyFit.
