– Денес времето во Македонија ќе биде претежно облачно со слаб до умерен ветер од источен и од југоисточен правец. Во југоисточните предели ќе има услови за слаби локални врнежи од дожд, додека температурите ќе се искачуваат во интервалот од 6 до 11 степени, вели нашиот метео прогнозер Славчо Попоски.
Во Скопје и околината времето ќе биде претежно облачно со слаб до умерен ветер од југоисточен правец. Максималната температура ќе се искачи до околу 9 степени.
Потоа утре ќе се задржи променливо облачно и релативно суво време, додека од петок па за време на викендот, под влијание на влажен воздушен бран ќе има повремени врнежи од дожд, кој особено во западните предели ќе бидат ПОИНТЕНЗИВНИ. На повисоките планини ќе има врнежи од снег, а ќе дува и умерен до засилен ветер од јужен и од југоисточен правец. Температурите ќе се искачуваат во интервалот од 8 до 13 степени, додека за време на викендто и тоа поради јужното воздушно струење, истите ќе бидат нешто повисоки и ќе се искачуваат во интервалот од 12 до 17 степени.
