– Како што најавивме, во следните денови времето ќе биде претежно облачно, а особено во јужните и во југоисточните предели ќе има услови за локален дожд. Утре ќе дува слаб до умерен ветер од северен правец, кој особено долж Повардарието повремено ќе засилува на интензитет. Температурите ќе се искачуваат во интервалот од 12 до 18 степени, вели метео прогнозерот Славчо Попоски.
Според Попоски, од среда температурите ќе бележат тенденција на пад и истите ќе се искачуваат во интервалот од 7 до 13 степени. Поинтензивен влажен бран кој ќе услови поинтензивни врнежи од дожд на повеќе места се очекува во петок.
И во Скопскиот регион во следните денови времето ќе биде претежно облачно. Утре ќе дува слаб до умерен ветер од северен правец, и истиот повремено ќе засилува на интензитет. Температурите ќе се искачуваат во интервалот од 10 до 13 степени.
