Нутриционистката Елена Мирческа е со нас за да се „стегнеме“ оваа есен.
Здравиот начин на исхрана е во мода, а добрите нутриционисти се сè побарани. Особено, ако здравиот диетен режим би можеле да го комбинираме со физичка активност. Нутриционистката и фитнес-инструкторка, Елена Мирческа, нѐ советува како да дојдеме во топ форма за време на есента. Зашто, не заборавајте, убавите тела кои ги гледаме секоја пролет и лето, се „вајаат“ токму во есен и во зима.
А, некои веќе успеаа во тоа!
Таков е примерот со Ивона Корачоска.
– После бременоста останав со вишок килограми кои не пробав да ги симнам со диета бидејќи од претходно знаев дека не ми успева, едноставно бев љубител на слатки работи, а и да симнев некој килограм, повторно ги враќав, вака ја започнува својата диетна приказна Ивона.
– Но кога се натрупаа килограмите, едноставно решив дека ми е потребна вистинска промена, не само поради физички изглед туку и за здравствени придобивки и побарав помош кај вистинска личност која знае како…, додава таа.
Вели дека за време на режимот на исхрана веднаш почнала да добива повеќе енергија, се чувствувала сита и ги научила придобивките на здравата храна, но најважно од сè – се здобила со самоконтрола. Истовремено се приклучила и на онлјн вежбите кај фитнес инструкторката и нутриционистка Елена Мирческа, и се чувствувала сè полесно и полесно.
– Сега научив како да ги комбинирам оброците, се чувствувам далеку поенергично, а знам и да си дозволам некогаш нешто слатко, но тоа воопшто не е со задоволство како порано. Веќе немам проблем при изборот на облеката и ги научив и зацврстив здравите животни навики благодарение на поддршката низ целиот процес на мојот нутриционист Елена, – горда е нашата соговорничка Ивона.
Мислење за текот на трансформацијата на Ивона, побаравме и од нутриционистката Елена.
