Со коронавирус е заразен државниот секретар на Министерството за заштита на животната средина во Србија Бранислав Блажиќ, пренесува „Б92“.
Министерот за заштита на животната средина во земјата Горан Триван, потврди за српскиот медиум дека Блажиќ е сместен на Инфективната клиника во Белград.
– Се лекува на Инфективната клиника, се наоѓа во стабилна состојба – рече Триван.
Секретарот Блажиќ е од Кикинда, град кој едно од жариштата на епдемијата на коронавирусот во Србија.
Како што пренесуваат српските медиуми, сите од Министерството за заштита на животната средина кои биле во контакт со него се испратени во изолација, а самиот министер Триван само телефонски контактирал со Блажиќ и со сите останати со кои државниот секретар контактирал лично.
The post Прв случај на коронавирус во српската Влада appeared first on Слободен печат.
