Советниците на Градот в среда треба да одлучат дали ќе го прифатат барањето на ЈП Градски паркинг, да се зголеми цената за паркирање. Претпријатието бара поскапувањето на еден час паркирање да поскапи за пет денари, а поскапувањето да важи за зонските паркиралишта, отворените паркиралишта како и за во катните гаражи.
Во образложението на претпријатието се вели дека причина за зголемување на цената за паркирање е поради зголемените трошоци за одржување на јавните паркинзи и катните гаражи со кои стопанисува претпријатието.
-Зголемени се трошоците за вода, струја, одржување на лифтовите и опремата инсталирана на паркиралиштата, образложуваат од претпријатието.
Поскапувањето на паркирањето најмногу ќе го почувствуваат они кои вадеа месечни карти. Отсега наместо 1.000 денари месечно, цената двојно ќе се зголеми, односно ако се прифати предлогот, ќе биде 2.000 денари.
Текстот е преземен од slobodenpecat.mk со претходна дозвола од порталот.
