Дури и стаорците, кои се едни од најотпорните животни, почнаа да водат брутална војна за да ја преживеат пандемијата на коронавирусот, а воедно станаа и голема опасност дека заради недостаток на храна би можеле да се прошират по куќите и да ги заразат луѓето со некои од 55-те болести кои ги пренесуваат.
Заради затворањето на бројни ресторани и мали бизниси стаорците се соочени со недостаток на храна, тие стануваат и канибали, така што станува јасно дека сегашната економска ситуација е лоша за нив.
Стаорците, кои успеаа да ги преживеат сите катастрофи во последните 160 милиони години, денеска се соочени со проблеми, а најголемиот е воочен во Њу Орлеанс, кога луѓето се затворија во домовите заради епидемијата на коронавирусот, која во тој град е дупло посмртоносна по глава на жител отколку во Њујорк, кое е жариштето на епидемијата во САД.
Боби Кориган, експерт за глодачи, специјализиран за градски стаорци, потсетува дека само во Њујорк се затворени илјадници ресторани и дека ситуацијата е уште полоша ако се гледа од брег до брег.
– Стаорците кои живееле во рестораните или некаде во близина, и со децении растеле други генерации на стаорци кои зависеле од отпадот на ресторанот, сега имаат проблем, но и неколку избори, вели Кориган.
– Тоа што тие го прават сега за да преживеат е истото што го имаме видено низ човечката иссторија кога човештвото се борело за да преземе некоја територија, се бореле до смрт. Во овој случај се борат војски на стаорци и најсилните ќе ја освојат територијата и храната, вели Кориган.
– Кога сте навистина, очајно гладни, ќе почнете да се однесувате навистина лошо, така што тие се борат едни со други, возрасните ги убиваат младите и ги јадат како канибали, бидејќи тоа е единствениот начин да преживеат, рекол Кориган.
Експертите велат дека одредени градски зони ќе бидат позагрозени од други, особено таму каде и пред сегашната ситуација имало многу стаорци.
Тие ги советуваат луѓето во тие средини исклучително да внимаваат при изнесување на ѓубрето, но и на тоа дека на стаорците им се потребни два сантиметри да се стиснат и да се протнат низ пукнатина.
Никој не сака тоа да му се случи, не ги сакаме во куќите, становите, рестораните и работните места, а и опасни се со 55-те болести кои можат да ги пренесат, навеле експертите.
The post Коронавирусот не е единствен проблем за САД: На Американците сега им се закануваат 55 болести (ВИДЕО) appeared first on Слободен печат.
