Второто дете на раперот Кание Вест и ријалити ѕвездата Ким Кардашијан, наполни 4 години, а славните родители на Сеинт дадоа се од себе да му приредат забава од соништата.
Малиот Сеинт Вест на 5 декември наполни 4 години, а деталите за неговата роденденска прослава останаа во кругот на семејството и блиските пријатели. Сепак, неговата мајка Ким Кардашијан (39) не издржа да не подели слики со фановите од креативната забава.
Таа фотографиите ги сподели на Инстаграм со своите 154 милиони следбеници. Забавата била одржана во нивниот семеен дом во Калабасас, Калифорнија, а темата била очигледна – диносауруси!
Славеникот Сеинт уживал во балоните во облик на тираносаурус-рекс, а исто така имало и бројни фигури од овие древни битија, корспи со перници кои личат на јајца од диносаурус. Дворот исто така бил полн со натписи и детали кои потсетуваат на сценографија од филмот „Jurassic Park“.
