Пејачката Никол Шерзингер (41) сите ги изненадила кога во Лондон во „Royal Albert Hall“ на доделувањето на наградите „British Fashion Awards“ кој ги слави најдобрите таленти во модната индустрија се појави во друштво на поранешниот дечко, Луис Хамилтон (34).
Пејачката и седум години помладиот возач на Формула 1 биле во љубов од 2008. до 2015. година. Шокираа многумина кога објавија дека раскинуваат, а сега британските медиуми шушкаат дека парот одлучил да ги поправи односите и повторно да биде заедно.
Nicole Scherzinger has another blast from the past posing with ex Lewis Hamilton amid Pussycat Dolls reunion https://t.co/Y1ici7n3g9 pic.twitter.com/ONGHxAfiQT
— SimpleNews.co.uk (@Simplenewsuk) December 3, 2019
Во февруари оваа година хакерите објавиле видео на кое може да се види како ѕвездата на Формула 1 и Никол се бакнуваат и галат во кревет.
– Приватното видео е снимено со мобилен телефон и никогаш не требало да стане јавно, тврди пејачката.
Снимката од домашното видео тогаш била погледната повеќе од 280 илјади пати, а Никол била во потполн шок.
„Навистина не знам зошто некој тоа би го направил или ја објавил таа порно снимка. Тоа е навистина грозна работа. Шокирана сум“, изјавила Никол на приватна забава кај Елтон Џон.
На почетокот на декември, откако пред речиси десет години се разделиле, една од најпопуларните женски групи „The Pussycat Dolls“ повторно се собра. Првиот настап после собирањето го имале во емисијата „Икс Фактор“, каде Никол е членка на жирито.
Беа многу возбудени, а Шерзингер нагласила дека ова е само почеток.
